WANYAMA NA ALIVYOVIUMBA ALLAH VINATHIBITISHA TAWHID [KUMPWEKESHA ALLAH]

Wanyama Na Alivyoumba Allaah Vinathibitisha Tawhiyd

Hud-hud (ndege) alikuwa miongoni mwa jeshi la Nabiy Sulaymaan (‘Alayhis-Salaam). Aliporuka na kufikia mji wa Sabaa alikuta watu huko wanaabudu jua, akarudi kumpa taarifa Nabiy Sulaymaan (‘Alayhis-Salaam) kwa kuikansuha ‘ibaadah hiyo batili. Uzuri ulioje ndege huyo kuthibitisha Tawhiyd ya  Allaah (Subhaanahu wa Ta’aalaa)! Kisa chake kinaanza katika Qur-aan pale alipokosekana katika jeshi la Nabiy Sulaymaan (‘Alayhis-Salaam):

وَتَفَقَّدَ الطَّيْرَ فَقَالَ مَا لِيَ لَا أَرَى الْهُدْهُدَ أَمْ كَانَ مِنَ الْغَائِبِينَ ﴿٢٠﴾ لَأُعَذِّبَنَّهُ عَذَابًا شَدِيدًا أَوْ لَأَذْبَحَنَّهُ أَوْ لَيَأْتِيَنِّي بِسُلْطَانٍ مُّبِينٍ ﴿٢١﴾ فَمَكَثَ غَيْرَ بَعِيدٍ فَقَالَ أَحَطتُ بِمَا لَمْ تُحِطْ بِهِ وَجِئْتُكَ مِن سَبَإٍ بِنَبَإٍ يَقِينٍ ﴿٢٢﴾ إِنِّي وَجَدتُّ امْرَأَةً تَمْلِكُهُمْ وَأُوتِيَتْ مِن كُلِّ شَيْءٍ وَلَهَا عَرْشٌ عَظِيمٌ ﴿٢٣﴾ وَجَدتُّهَا وَقَوْمَهَا يَسْجُدُونَ لِلشَّمْسِ مِن دُونِ اللَّـهِ وَزَيَّنَ لَهُمُ الشَّيْطَانُ أَعْمَالَهُمْ فَصَدَّهُمْ عَنِ السَّبِيلِ فَهُمْ لَا يَهْتَدُونَ ﴿٢٤﴾ أَلَّا يَسْجُدُوا لِلَّـهِ الَّذِي يُخْرِجُ الْخَبْءَ فِي السَّمَاوَاتِ وَالْأَرْضِ وَيَعْلَمُ مَا تُخْفُونَ وَمَا تُعْلِنُونَ ﴿٢٥﴾ اللَّـهُ لَا إِلَـٰهَ إِلَّا هُوَ رَبُّ الْعَرْشِ الْعَظِيمِ ۩﴿٢٦﴾

(Sulaymaan) Akakagua ndege, akasema: “Imekuwaje, mbona simuoni Al-Hud-hud, au amekuwa miongoni mwa walioghibu? Bila shaka nitamuadhibu adhabu kali, au nitamchinja, au aniletee hoja bayana (ya kughibu kwake).” Basi hakukaa sana (mara alitokeza) akasema: “Nimegundua usilogundua na nimekujia kutoka Sabaa na habari za yakini. Hakika mimi nimemkuta mwanamke anawamiliki, na amepewa kila kitu, na anacho kiti cha enzi kikubwa. Nimemkuta (yeye) na watu wake wanalisujudia jua badala ya Allaah, na shaytwaan amewapambia ‘amali yao (hiyo), basi akawazuia na njia (ya haki); kwa hiyo hawakuongoka. Hawamsujudii Allaah Ambaye Anatoa yenye kufichika katika mbingu na ardhi na Anayajua yale mnayoyaficha na yale mnayoyadhihirisha. Allaah - hakuna ilaaha (muabudiwa wa haki) ila Yeye, Rabb (Mola) wa Al-‘Arsh adhimu. [An-Naml: 20-26]

Tumepata mafunzo yafuatayo kutokana na ndege huyo Al-Hud-hud:
1.   Alikuwa mwenye ‘Aqiydah swahiyh.
2.   Aikuwa ni mwenye kumwamini Allaah (Subhaanahu wa Ta’aalaa).
3.   Alikuwa mwerevu kuweza kuchungua na kutambua wanayoyaabudu watu katika safari yake hiyo ya haraka kabisa.

4.   Aliungulika moyoni kuona watu wanakanusha Tawhiyd ya Allaah (Subhaanahu wa Taa’alaa).

5.   Amefanya kazi ya Rasuli kulingania katika Dini ya Allaah (Subhaanahu wa Ta’aalaa).
6.   Jambo kuu alolingania ni la kukanusha shirki na kuthibitisha Tawhiyd.
7.   Ameonya kuhusu udanganyifu, uchochezi wa shaytwaan kuwa anawapambia watu ‘amali zao.
8.   Ametafakari Utukufu wa Muumba wake, neema Zake na uwezo Wake wa kuyajua yaliyo dhahiri na yaliyofichika.

9.   Amefadhilisha Aakhirah kuliko dunia kwani hakujali mali na starehe alizojaaliwa nazo Malkia wa Sabaa.    

10.                 Akathibitisha tena baada yote hayo Tawhiyd ya Allaah (Subhaanahu wa Ta’aalaa).

Je, ingekuwaje kama Hud-hud angepitia watu katika zama zetu wanaomshirikisha Allaah (Subhaanahu wa Ta’aa’aa) kwa kila aina ya shirki?  Kisha tujiulize; Je, ni wangapi wenye mfano wa Hud-hud?  Ni dhahiri kwamba Hud-hud alikuwa mbora kuliko baadhi yetu juu ya kuwa yeye ni mnyama dhaifu anayeruka angani. Bali hakika wanyama  na vitu vyote Alivyoumba Allaah (Subhaanahu wa Ta’aalaa) vinashuhudia Tawhiyd kwani vyote vinamsujudia na kumsabbih Allaah (Subhanaahu wa Ta’aalaa) kama Anavyosema:

أَوَلَمْ يَرَوْا إِلَىٰ مَا خَلَقَ اللَّـهُ مِن شَيْءٍ يَتَفَيَّأُ ظِلَالُهُ عَنِ الْيَمِينِ وَالشَّمَائِلِ سُجَّدًا لِّلَّـهِ وَهُمْ دَاخِرُونَ﴿٤٨﴾ وَلِلَّـهِ يَسْجُدُ مَا فِي السَّمَاوَاتِ وَمَا فِي الْأَرْضِ مِن دَابَّةٍ وَالْمَلَائِكَةُ وَهُمْ لَا يَسْتَكْبِرُونَ﴿٤٩﴾ يَخَافُونَ رَبَّهُم مِّن فَوْقِهِمْ وَيَفْعَلُونَ مَا يُؤْمَرُونَ ۩﴿٥٠﴾

Je, hawaoni vile vitu Alivyoumba Allaah ambavyo vivuli vyake vinaelemea kulia na kushoto vikimsujudia Allaah na huku vinanyenyekea? Na ni kwa Allaah pekee vinasujudia vyote vilivyomo mbinguni na ardhini katika viumbe vitembeavyo na Malaika, nao hawatakabari. Wanamkhofu Rabb (Mola) wao Aliye juu yao, na wanafanya yale wanayoamrishwa. [An-Nahl: 48-50]

Na Anasema pia:

أَلَمْ تَرَ أَنَّ اللَّـهَ يَسْجُدُ لَهُ مَن فِي السَّمَاوَاتِ وَمَن فِي الْأَرْضِ وَالشَّمْسُ وَالْقَمَرُ وَالنُّجُومُ وَالْجِبَالُ وَالشَّجَرُ وَالدَّوَابُّ وَكَثِيرٌ مِّنَ النَّاسِ ۖ وَكَثِيرٌ حَقَّ عَلَيْهِ الْعَذَابُ ۗ وَمَن يُهِنِ اللَّـهُ فَمَا لَهُ مِن مُّكْرِمٍ ۚ إِنَّ اللَّـهَ يَفْعَلُ مَا يَشَاءُ ۩﴿١٨﴾

Je, huoni kwamba Allaah wanamsujudia walioko mbinguni na ardhini, (na vinamsujudia pia) jua, na mwezi na nyota, na majabali na miti na viumbe vinavyotembea, na wengi miongoni mwa watu? Na wengi (miongoni mwa watu pia) imewathibitikia adhabu. Na ambaye Allaah Amemdhalilisha, basi hatopata wa kumkirimu. Hakika Allaah Anafanya Atakavyo.  [Al-Hajj: 18]

Na pia:

تُسَبِّحُ لَهُ السَّمَاوَاتُ السَّبْعُ وَالْأَرْضُ وَمَن فِيهِنَّ ۚ وَإِن مِّن شَيْءٍ إِلَّا يُسَبِّحُ بِحَمْدِهِ وَلَـٰكِن لَّا تَفْقَهُونَ تَسْبِيحَهُمْ ۗ إِنَّهُ كَانَ حَلِيمًا غَفُورًا ﴿٤٤﴾

Zinamsabbih mbingu saba na ardhi na vilivyomo humo. Na hakuna kitu chochote isipokuwa kinasabbih kwa Sifa Zake njema, lakini hamzifahamu tasbiyh zao. Hakika Yeye daima ni Haliyman-Ghafuwraa (Mpole wa kuvumilia waja - Mwingi wa kughufuria). [Al-Israa: 44]